Vladimir Putin Stalinin ölümündən bir neçə il öncə doğulmuşdu. KQB üçün kadr hazırlığı ilə məşğul olan Leninqrad Universitetinin hüquqşünaslıq fakultəsində oxuyarkən məxfi xidmət orqanı ilə tanışlığı başladı. Sonralar bu tanışlığı belə ifadə etmişdi: "Gənc idim və ölkəmə ən yaxşı şəkildə xidmət edə biləcəyimə inanırdım" .
Beləliklə, KQB - dən gələn dəvətə dərhal müsbət cavab verdi. Kareyerasının böyük hissəsini Şərqi Almaniyanın Drezden şəhərində, Qərb texmologiyaları və NATO haqqında gizli bilgilərin ələ keçirilməsi üçün məsul şəxs kimi keçirdi. Başqa bir vəzifəsi isə Qərbdə Rusiya hesabına rahatlıqla işləyə biləcək jurnalist, alim və mühəndis olan Şərqi Almaniya vətəndaşlarını tapmaq və öz tərəflərinə çəkmək idi.
KQB - də ömrünün 17 ili keçdi. Artıq polkovnik rütbəsində ikən Qorboçova qarşı çevriliş cəhdindən sonra istefa verdi. Bundan sonra Sant - Peterburq meriyasında bir sıra bürokratik vəzifələri tutdu, Yeltsinin diqqətini də elə bu zaman cəlb etməyə başladı. 1998 - ci ildə, "soyuq müharibə" nin bitməsindən sonra FSB adını alan KQB - nin rəhbərliyinə gətirildi və beləliklə, casus kareyerasına yenidən start verdi. Çox keçmədən baş nazir oldu, iki il sonra isə Yeltsin tərəfindən varis elan edildi.
Sonralar bir çoxları Putinin ildırım sürəti iə Rusiya dövlətinin başına keçməsini "KQB - nin hakim sistemdən intiqamı" kimi şərh edəcəkdi.
2000 - ci ildən etibarən Rusiyanın şəriksiz hakimi oldu. "Yediyi qaba tüpürməyi" doğru saymadığı üçün KQB - nin keçmişi haqqında hər hansı təftiş və mühakiməyə yol vermədi. Qərbə sığınan Qordiyevski kimi sabiq KQB agentlərinin yazdıqları kitabları oxuyub - oxumadığına dair ona verilən bir sualı isə "Vətəninə xəyanət edənlərin kitablarını oxumuram" deyə cavablandırmışdı.
Mənbə: "Tarixi Dəyişdirən Məxfi Servislər" kitabı
0 yorum :
Yorum Gönder